ब्रेन हॅकर्स...
इव्हीएम हॅक होत का माहीत नाही पण माणसाचे मेंदू जरूर हॅक झाले आहेत.राजकारणात 2014 पासून सोशल मीडियाचा प्रभाव मोठ्या प्रमाणात वाढला.
जेव्हा माणसाची संख्या एक असते तेव्हा तो चिकित्सक पद्धतीने विचार करण्याची शक्यता सर्वात जास्त असते,जशी जशी ती वाढत जाते तशी चिकित्सक वृत्ती कमी होते आणि भावनिकता वाढते. गर्दी भावनाशील असते.
व्हाट्सएपवर जेव्हा संवाद पर्सन टू पर्सन असतो तेव्हा तो जरी भावनेच्या पातळीवर असला तरी त्याची प्रभाव क्षमता त्या दोन व्यक्तींपर्यंतच असते.पण जेव्हा त्याचे ग्रुप बनतात तेव्हा त्याची प्रभावक्षमता मल्टीपल पद्धतीने वाढते अर्थात ती पॉझिटिव्ह अथवा निगेटिव्ह असू शकते.
गर्दी चांगले आणि वाईट अफाट प्रमाणावर करते.कारण त्या कृतीला चिकित्सेचा अडथळा नसतो.
जेव्हा एखादा ग्रुप विशिष्ट हेतू ठेवून बनतो तेव्हा ती एक प्रकारची व्हर्च्युअल गर्दी असते आणि तगर्दीचे सगळे मानसशास्त्रीय नियम त्या व्हाट्सएपग्रुपला लागतात.
माणूस आपल्या अनुभवातून मते बनवतो आपल्या मताशी पुष्टी करणारे, समर्थन करणारे समूह जवळ करतो,आपल्याला जे आवडेल ते " विना अट" वाचतो,पाहतो,ऐकतो .विना अट किंवा विना चिकित्सा वाचतो ऐकतो पाहतो वेगळं काही ऐकलं, पाहिलं,वाचलं तर कारण मतपुष्टीतला आनंद हिरावून घेतला जाईल याची त्याला भीती वाटते.
आपलं विश्व हे आपलंच असत कारण तो आपला " सेफझोन" असतो.तो डिस्टरब झाला की आपण अस्वस्थ होतो..तो डिस्टरब ज्या कारणाने होतो ती कारणे खरी किंवा खोटी हे न पाहता ती आधी नाकारली जातात आणि मग मन स्वतःच्या सोयीने त्याचा कार्यकारण भाव तयार करते. माझं काम झालं नाही कारण सकाळी बाहेर पडताना मांजर आडव गेलं होतं हे एक त्याच उदाहरण..
माझा माईंडसेट जसा असेल तसेच जग असेल हा एक मोठा भ्रम असतो. माझं जग केवळ सोशल मीडियापुरत मर्यादित असेल आपला झोंबी होण्याची शक्यता जास्त असते. आणि आपण झोंबी आहोत हे झोंब्याना कळत नसते म्हणून ते झोंबी असतात हे पण सत्यच असतं..☺️
-© प्रशांत शेलटकर
