"पूर्णविराम'
आयुष्य वाचताना...
एक गोष्ट जाणवत गेली...
आयुष्य नावाच्या डायरीत
फक्त प्रश्नचिन्हांची गर्दी दिसली
मी आयुष्याला अन,
आयुष्याने मला विचारलेले
अगणित असंख्य प्रश्न...
कुणीच कसं भेटलंच नाही
ज्याला "अवतारणात" बसवावं
मनातलं सर्व सांगावं...
आणि कधी घ्यावा ..
"स्वल्प विराम " त्याचे सोबत
आयुष्य अखंड धावत राहिले
अक्षरांला अक्षरे अन
शब्दांला शब्द जोडत राहिले
काना-मात्रा वेलांटीचे नियम
कसोशीने पाळत राहिले
पण या साऱ्या जंजाळात
आयुष्य वाचायचे मात्र...
राहूनच गेले....
आता मात्र एक करणार आहे
प्रत्येक अक्षर जगणार आहे
कोण जाणे कधी आयुष्याचा
"पूर्णविराम" असणार आहे.
-प्रशांत शेलटकर
8600583846
.
No comments:
Post a Comment