तु उगाचच चार-पाच चंद्र
ठेवले आहेस तरंगत...
अगदी तुझ्या सुरक्षित कक्षेत..
मिळाव प्रत्येकाकडूनच,
हक्काचं उधार चांदण म्हणून..
ते ही बिचारे फिरत आहेत,
तुझ्या मायावी कक्षेत...
कधीतरी तुझ्या कुशीत,
त्यांचं अस्तित्व मिटवण्यासाठी
पण माझं ऐक....
केव्हातरी संपेल तुझं,
मायावी गुरुत्वाकर्षण...
आणि कक्षेत असलेले तुझे
चार-पाच चंद्र ...
जातील अवकाशात दूरवर..
आणि मग एका कातर क्षणी
तू शोधत फिरशील
तुझ्या हक्काचा एखादा चंद्र
अवकाशाच्या अथांग अफाट
अनंत निर्वात पोकळीत....
मिळतो का पाहशील,
एखादा चंद्रकवडसा कारण
अंधाराची तुला सवयच नाही..
म्हणून सांगतो माझं ऐक...
हक्काच्या चंद्राकडून,
हक्काचं चांदणं घे...
हक्काच्या चंद्रालाच
तुझ्या कुशीत घे....
-प्रशांत शशिकांत शेलटकर
8600583846
No comments:
Post a Comment