संदीप खरे यांच्या
नसतेस घरीं तू जेव्हा
या कवितेचे विडंबन
अर्थात त्यांची क्षमा मागून
🙏🏻
नसतेच रेंज ती तेव्हा
जीव तुटका तुटका होतो
सगळेच तुटती धागे
सर्वांशी खटका उडतो
जीव सोडून प्रेत पडावे
मोबाईल तसाच पडतो
ही मती दिशाहीन होते
अन डोक्याचा खोका होतो
येतात मेसेज कुणाचे
हिरमुसून जाती मागे
क्लिक करता व्हिडिओ वरती
तो गोल गोलच फिरतो
तू रेंजमध्ये असताना
मज स्मरती गोडगप्पा
चॅटिंगविण जीव झुरावा
मी तसाच अगतिक होतो
तू सांग सखे मज काय
सांगू माझ्या ग बॉसला
बिनपाण्याने नेहमीच
तो माझी हजामत करतो
-प्रशांत शेलटकर
8600583846
