मनगुज

मनगुज...

एक असावं असं काहीतरी

तुझ्या आणि माझ्यात

नात्याला त्या नावच नसावे

 तुझ्या आणि माझ्यात

सांगावे तुलाच सर्व काही

 येते माझ्या मनात

सांगतानाही भान असावे

चर्चा नको जनात

अवेळी पावसाची

अवेळीच रुजवात

बंड वाटे करावे असे 

तरी भय दाटे मनात

रुढींची क्रूर वादळे

तरी तेवते फुलवात

 एक ओंजळ असावी

वादळ आणि वाऱ्यात

पार्थिवाचे कौतुक कितपत

तरी देहाचा झंझावात

सुगंध पेरून विझून जाते

अत्तर दिव्यांची वात..

जे न सापडे कधी कुठे

सापडते ते ग तुझ्यात 

तेच सांगावे असे वाटते

अलगद तुझ्या कानात

-प्रशांत शशिकांत शेलटकर

 8600583846