भंडारा जिल्ह्यांतील अग्नितांडवात, मृत्युमुखी पडलेल्या लहानग्यांसाठी .....
वेदनेचे काव्य
काव्यातील वेदना
कशा गोठून गेल्या
आज साऱ्या संवेदना
जो आला जन्माला
तो जाणारच आहे
पण जाण्याचे हे
वय का सांगा आहे?
देवा तुझ्यावरचा
विश्वास हटतो आहे
जोडताना हात तुला
आज कापतो आहे
कसले तर्क लावू
कसले रे अनुमान
थरारून गेले देवा
आज रे स्मशान
अकालीच झाले
कळ्यांचे निर्माल्य
उरे अंती एकच
उरात एक शल्य...
तुझ्या अस्तित्वाचा
कसा धरू भरवसा
तुझ्या पुढे आता
कसा पसरू पसा
जा बाळांनो जा
अभागीच आम्ही
देवघरीच गेलात
असेच म्हणू आम्ही
-प्रशांत शेलटकर
8600583846
No comments:
Post a Comment