कसक
एक अनामिक कसक
काळजात रुतून आहे
इतके चाललो आपण
मंजिल अजून दूर आहे
इतके जवळ आलो तरी
दुरावा अद्याप आहे..
अजूनही नजरेत तुझ्या
मी अनोळखीच आहे
डोळ्यात माझ्या कधीच
आभाळ भरून आलेले
पण डोळ्यात तुझ्या ग
वैशाख तोच आहे...
वाटते अंतर दोघातले
अलगद मिटून जावे.
पण वाटते अपूर्णतेचा
मज शाप निरंतर आहे..
सोबत उन्हाचीच होती
तेच एक बरे होते...
स्वप्न श्रावण सरीचे
आता विरल होत आहे..
आता उन्हाच्या छत्रीवर
मी ऊन झेलतो आहे..
अन उन्हाला उन्हाचेच
अर्ध्य देतो आहे......
-प्रशांत शेलटकर
8600583846
No comments:
Post a Comment