भुलू नये....
थोर माणसांचेही
कधी पाय मातीचे
कधी देखाव्यावर
भुलू नये........
भले मोठे शब्द
देखणे वक्तृत्व
बोलण्यावर फक्त
भुलू नये.....
गढूळ अंतरंग
निर्मळ बाह्यरंग
फक्त दिखाव्यावर
भुलू नये....
मुखी रामाचे नाव
अंतरी रावणा ठाव
फक्त नावावर
भुलू नये....
प्रतिभेचे उत्तम देणे
पण गुणच जिथे उणे
फक्त प्रतिभेवर
भुलू नये...
केली बहु पारायणे
तरी विन्मुख नारायणे
पाखंडी मनुष्यास
भुलू नये...
केली अस्मादिकांनी चूक
जे चूक ते चूक
कान धरण्या माझा
भुलू नये....
--- @ प्रशांत शेलटकर
86 00 58 38 46
@ प्रशांत
No comments:
Post a Comment