को ssहम
कोण आहे मी?
आहे कोणासाठी?
प्रश्न एकच की,
मी जगतो कशासाठी.?
प्रश्न हे छळतात मला
घन घोर एकांती..
कोण माझे? मी कुणाचा?
उत्तरे मिळतील का अंती?
जसे जसे आयुष्य हे
एकाकी होत आहे..
छळतो एकच प्रश्न
माझे कोण आहे?
विरघळून जावे असे
कोण भेटले नाही
चवीपुरते मीठ मी
त्याहून वेगळा अर्थ नाही
ही गर्दी उगाच भोवती
कचकड्या माणसांची
जीव लावावा असा दर्दी
त्यात अजिबात नाही..
जीव जपण्या स्वतःचा
पिल्लास घेई पायतळी
स्वार्थ हेच सत्य सांगे
वानरी ती कथेतली
माझे माझे काही नाही
सत्य हे प्रखर त्रिवार
शत्रू बहुधा दिलदार
आपलेच करती वार..
बरे झाले आता मी
अगदी रिक्त मुक्त झालो
कधी अवचित निरोप
कधी माघार घेत गेलो
© प्रशांत
No comments:
Post a Comment