कशासाठी????
कुठेतरी काही तरी
घडत आहे..
कुठेतरी काही तरी
बिघडत आहे...
कशासाठी हे सर्व?
प्रश्न मात्र हा
नक्कीच पडत आहे
सर्टिफाय करून
घेत आहेत..
कोणी त्यांचे
सुंदर चेहरे..
बुद्धिबळाच्या पटावर
कोणी चालवतात
त्यांचे मोहरे...
नेमके कोण सुंदर?
नेमके कोण बुद्धिमान?
प्रश्न मात्र पडत आहे
कुठेतरी काही तरी
घडत आहे..
कुठेतरी काही तरी
बिघडत आहे...
कशासाठी हे सर्व?
प्रश्न मात्र हा
नक्कीच पडत आहे
सोशल मिडियाच्या
धोबी घाटावर..
दुखणी त्यांची
कोणी बडवत आहेत..
शब्दांच्या घालून लाथा
कोणी कोणा तुडवत आहेत
उट्टे काढून एकमेकांचे
का बरे हे नडत आहेत?
कुठेतरी काही तरी
घडत आहे..
कुठेतरी काही तरी
बिघडत आहे...
कशासाठी हे सर्व?
प्रश्न मात्र हा
नक्कीच पडत आहे
स्क्रोल करू करू
बोटे झिजली..
रील करू करू
बाई थकली
तरी अफाट लोक हे
का बरे गंडत आहेत ?
कुठेतरी काही तरी
घडत आहे..
कुठेतरी काही तरी
बिघडत आहे...
कशासाठी हे सर्व?
प्रश्न मात्र हा
नक्कीच पडत आहे
-प्रशांत शेलटकर
8600583846
No comments:
Post a Comment