तू आणि मी....
तू गूळ मी डोंगळा
तू पाला मी मुळा
तू बटाटा मी कांदा
तू नोट मी रुपया बंदा
तू बनारसी पान
मी नशीला गुटखा
तू तर लवंगी माळ
अन मी दादा फटाका
तू नाजूक स्कुटी
मी बुलेटचा दणका
तू हलकी कुजबुज
मी गोंगाट गलका
तू घडीचा कागद
मी चुरगळलेला बोळा
तू गोड पुरणपोळी
मी कणकेचा गोळा
तो गोल गोड जिलेबी
मी एक मठ्ठ मठ्ठा
तू एक कवितेचे पान
मी तर रद्दीचा गठ्ठा
तू रसदार मलई
मी ताकाची कढी
तू काजूकतली नाजूक
मी खोबऱ्याची वडी
तू भारी आयफोन
मी भंगार नोकिया
तू करलॉनची गादी
मी गावठी तकीया
तू नाजूक तीळ
मी फक्त चामखीळ
तू उंच उंच पतंग
मी फक्त ढील...
तू नाजूक फुलवात
मी पेटता पलीता
तू अलिबागची सुपारी
मी रत्नांग्रीचा अडकित्ता
-प्रशांत शेलटकर
8600583846
No comments:
Post a Comment