अजून एक चुंबन नोंद..💋
तुझा चेहरा ओंजळीत घ्यावा
अन तुझ्या गालावरची बट
तुझ्या कानामागे खोचावी
अन तुझ्या डोळ्यात .....
रोखून पाहत म्हणावं...
तू खूप सुंदर आहेस...💋
बस्स तुझ्या श्वासाची लय
अलगद पकडावी माझ्या श्वासाने अन....
एक निसटते चुंबन घ्यावे
तुझ्या थरथरणाऱ्या अधरांचे..💋
त्याच क्षणी तू मिटशीलच
तुझे जुलमी डोळे...
अन मिटल्या डोळ्यांनी
बघत रहाशील मला...
अनुभवशील मुलायम स्पर्श 💋
निसटते ओठ मग
धीट होतील भलतेच..
तुझेही अन माझेही
अलगद ओला अमृतस्पर्श
ओठांनी ओठावर लिहून
जाईल एक प्रेमाची गझल 💋
हवाहवासा हळुवार डंख
कालगती स्तब्ध व्हावी
अस काहीतरी वेगळंच
तुझ्या माझ्या ओठांचे
ते अद्भुत अगम्य अद्वैत 💋
एक धन्य तृप्ती...
गात्रा-गात्रात पसरेल
त्या अनामिक तृप्तीने
तुझे डोळे ओले होतील
पुन्हा एकदा तू रोखून
पहाशील माझ्याकडे
लटक्या रागाने..उगाचच
अन आपल्या प्रेमाच्या
दैनंदिनीत होऊन जाईल
एक अजून चुंबननोंद 💋
..
एक अजून चुबंननोंद...💋
💋💋💋💋💋💋💋
-प्रशांत शशिकांत शेलटकर
8600583846
No comments:
Post a Comment