डाव अर्धमुर्धा
पहाटेच मजला जाग यावी
मिठीत माझ्या तू असावी
अन तुझ्या उष्ण श्वासांची
मादक एक गझल ऐकावी
केस विस्कटलेले असावे
टिकलीचे ग स्थान ढळावे
काजळ गहिऱ्या डोळ्यांमध्ये
तृप्तीचे अलवार स्वप्न असावे
मिठी थोडीशी सैल असावी
पण त्यातही एक ओढ असावी
उघड्या पाठीवरती माझ्या
नखा-क्षतांची नक्षी असावी
खिडकीत गोजीरा चंद्र असावा
आपल्याकडेच तो पहात असावा
मोकळ्या केसात ग तुझ्या
मी चांदण्याचा श्वास माळावा
मग गार गार वारा यावा
विळखा मिठीचा घट्ट व्हावा
मग रात्रीचा अर्धा-मुर्धा
डाव पहाटे पूर्ण व्हावा
-प्रशांत शशिकांत शेलटकर
8600583846
No comments:
Post a Comment