ते मस्त साजरं कर..
पुढचा जन्म कोणता
याचे आहे का उत्तर?
टकलावरचे चार केस
हौसेने पाड रे भांग
पुढच्या जन्मी झालास अस्वल
तर तू काय करशील सांग?
आता मस्त फिरून घे
पळत राहू दे तुझे पाय
पुढच्या जन्मी झाड झालास
तर एका जागीच देशील ठाय
बस जरा घटकाभर
आणि मस्त ताणून झोप
घोडा झालास तर पुढच्या जन्मी
उभ्याने घ्यावी लागेल झोप
कधीतरी मनासारखं
मस्तपैकी सजून घे
कधीतरी भर पावसात
चिंब चिंब भिजून घे
आला क्षण निघून गेला
पुढच काही माहीत नाही
कोणता श्वास अखेरचा
याचं काही उत्तर नाही
जस आहे जिथे आहे
सगळं कसं मस्त आहे
हवं तसं मिळत नसतंच
मानण्यातच सगळं सुख असतं
-प्रशांत शशिकांत शेलटकर
8600583846
No comments:
Post a Comment