झाडायन
झाडांचं पण किती
वेगळं नशीब असतं !
कुणाच्या नशिबी आरे
कुणाच्या लव्हासा असतं !
आऱ्यात तुटली तर
निसर्गाचा नाश असतो
लव्हासात तुटली तर
देशाचा विकास असतो
झाडंच बिचारी ती
त्यांना कुठे मन असतं?
कुणाच्या तरी विकासासाठी
त्यांना अस तुटावंच लागत
झाडंच बिचारी ती
त्यांना कुठे मत असतं?
मतं असती जर त्यांना
तर कुणी असं तोडलं असत?
आज इथे अन उद्या तिथे
झाडं शहीद होत आहेत
सोईप्रमाणे ज्याच्या त्याच्या
सगळे निषेध करत आहेत...
-प्रशांत शशिकांत शेलटकर
8600583846
No comments:
Post a Comment