स्मृती फुले
निरोप त्याचा घेताना
टचकन तिचे भरले डोळे
निरोप तिला देताना
उलून आले काळीज ओले...
ओठांची फक्त थरथर झाली
शब्द अवचित मौनात गेले
येते रे हलकेच म्हणताना..
पापण्यांचे बांधच फुटले...
हात तिचा निसटूनच गेला
श्वास त्याचा कोंडून गेला
स्पर्श तिचा तो शेवटचा
तिच्यासोबत विरून गेला
हुंदका आवरता आवरता
जप म्हणाली जाता जाता
जपले ते सोडून जाता
जपायचं आता कुणाला?
ती अलगद निघून गेली
भिजून अख्खी रात्र गेली
जाताना ओंजळीत त्याच्या
स्मृतींची फुले देऊन गेली
-प्रशांत शशिकांत शेलटकर
8600583846
No comments:
Post a Comment