वर्तमानात रंगू

वर्तमानात रंगू...

त्याच त्याच स्मरणकथा
आता नको सांगू..
काळा बरोबर बदलू आता
वर्तमानातच रंगू

आता आली श्रीमंती
म्हणून गरीबी रम्य वाटे
आता रमतो फुलांमध्ये
म्हणून आता न रुतती काटे
काटे कसे बोचले पूर्वी
ते आता नका सांगू
काळा बरोबर बदलू आता
वर्तमानातच रंगू

येता सण दारात
त्याचे मस्त स्वागत करा
पूर्वी होते असे तसे
सांगणे आता बंद करा
जे केले भूतकाळात
ते आता नका  सांगू
काळा बरोबर बदलू आता
वर्तमानातच रंगू....

जे गेले ते गेलेच भाऊ
आता परत येणार नाही
काळाच्या पाढयाला
उलटी गिनतीच नाही
त्याच त्या रडकथा
आता नको सांगू
काळा बरोबर बदलू आता
वर्तमानातच रंगू...

-प्रशांत शेलटकर
8600583846