मी आलोच आहे तर...
मी आलोच आहे तर,
बोल माझ्याशी मनमोकळी
अशी दार अर्धवट मिटून
बोलू नकोस...
खात्री बाळग
मी उंबरा ओलांडणार नाही
आणि तुलाही ओलांडू देणार नाही
मी आलोच आहे तर,
नजर चोरू नकोस
डोळ्यात डोळ्यात घालून बोल
बघ माझी नजर
अजूनही स्वच्छ आहे..
पूर्वी होती तशीच..
मी आलोच आहे तर,
सावरशील पदर जरासा..
पण उगाचच डोक्यावर
पदर घेऊन हास्यास्पद
करू नकोस तुलाही अन
मलाही...
मी आलोच आहे तर
नक्कीच जाणार आहे.
मनातली वादळं,
मनातच राहतील ,
उंबरा ओलांडून ती
आत येणार नाहीच नक्कीच
मी आलोच आहे तर....
-प्रशांत शेलटकर
8600583846
रत्नागिरी
No comments:
Post a Comment