सम्राट
भीत भीत जगण्यापेक्षा
पित पित जगावं.....
हरली जरी प्रत्येक बाजी
तरी जित जित म्हणावं...
धुंद कुंद संध्याकाळी
एक मस्त पेग भरावा...
पेंगाळलेल्या जिंदगीला
जम्बो जेटचा वेग यावा...
किंचित ग्लास उंचवावे अन
चिअर्स करावे जिंदगीला..
बंधनाचे लगाम सोडावे अन
बेलगाम करावे जिंदगीला...
अशी भिनावी वारुणी की
सशाचा मग सिंह व्हावा...
अशी फोडावी डरकाळी मग
भयकंपित सगळा बार व्हावा
सम्राट मग मी दरबाराचा
सेवका दे रे अजून चाकना
ते "मुंगळा" बंद करा रे...
तो पंकज उधास लाव ना...
रंगावी अशी उत्तररात्र..
असे धूनकीत घरी यावं
भीत भीत जगण्यापेक्षा
पित पित जगावं....
भीत भीत जगण्यापेक्षा
पित पित जगावं.....
हरली जरी प्रत्येक बाजी
तरी जित जित म्हणावं...
-( वैधानिक इशारा- अति मद्यप्राशन प्रकृतीस हानिकारक आहे)
-प्रशांत शेलटकर
8600583846
रत्नागिरी
No comments:
Post a Comment