तू होतीस तेव्हा

तू होतीस तेव्हा...
फुलं अलगद उमलायची,
आता फक्त फुलतात...
तू होतीस तेव्हा...
सकाळ सोनसकाळ असायची
आता फक्त ऊन्ह पडतात...

तू होतीस तेव्हा...
पाऊस रिमझिम पडायचा
आता फक्त पाणी पडतं...
तू होतीस तेव्हा...
सगळंच कसं सोपं होतं..
आता तुझ्यावाचून अडत

तू होतीस तेव्हा...
चांदण्यालाही कैफ होता
आता चंद्रही केविलवाणा
तू होतीस तेव्हा...
बासरीला सूर होता..
आता शुन्यात हरवला कान्हा

-प्रशांत शेलटकर
8600583846