खरं प्रेम,
बरसणा-या पावसात ...
ओंजळ धरून उभी रहा..
ओंजळीतले पावसाचे पिल्लू पहा
खरं प्रेम असंच असतं..
विशुध्द आणि सात्विक.....
तशीच चालंत रहा ..
मऊ ओल्या गवतावरून...
निसर्गाची रंगपंचमी चालू असेलच..
पण दूर कुठेतरी कोप-यात ..
फुललं असेल एखाद रानफूल..
खरं प्रेम असंच असतं ...
अव्यक्त आणि अबोल ...
तशीच चालंत रहा ....
दूरवरच्या मंदीरातून ऐकू येतायत
किर्तनाचे अवीट सूर...
मंदिरापाशी थांब..दिव्यांची आरास पहा,
महाद्वारापासून गाभा-यापर्यंत ...
सर्व काही प्रकाशाने भारलेले असेल
आता समईच्या प्रकाशात तेजाळलेला
राधेचा चेहरा बघ .....
खरं प्रेम असंच असतं
तेजोमय आणि सात्विक....
अग प्रेम असंच असतं
खरंच प्रेम असंच असतं.....
-प्रशांत शेलटकर
No comments:
Post a Comment