काही विशेष असं ....
आजकाल काही घडत नाही
आणि आजकाल कुणासाठी
डोळे भरून येत नाही...
ती गेली तेव्हापासून,
कुणाला लळा लागलाच नाही
ती गेल्यापासून कुणासाठी
दाटून गळा आलाच नाही...
ती होती तिच्यासारखीच
दुसरी कोणी शक्यच नाही
तिच्या अनवट मिठीची सर
अप्सरेला पण येणार नाही
फुलं वेचली तिथे आता
गोवऱ्या कधी वेचणार नाही
जे केलं तिच्यावर दिलसे..
प्रेम कुणावर करणार नाही
ती इतकं काही बोलून गेली...
आता कुणाच ऐकवत नाही
आता कुणाच्या लव यु साठी
माझ्या मनात जागा नाही...
-प्रशांत शेलटकर
8600583846
No comments:
Post a Comment