मी मोकाट मुक्तछंद
तू गझल वृत्तात बांधलेली
मी शब्दांचा केवळ पसारा
तू कविता छान गुंफलेली
मी पाऊस सैरावैरा
तू अलवार श्रावण धारा
मी कायम विस्कटलेला
तू फुललेला मोरपिसारा
मी रखरखीत दुपार
तू नाजूक सोनसकाळ
मी शब्दांची मोडतोड
तू सरस्वतीचे बाळ...
मी अक्षरांचा गुलाम
तू अक्षरांची स्वामिनी
मी मिणमिणती ज्योत
तू लखलखती सौदामिनी
मी मागतो माझ्यापुरते
तू मागतेस पसायदान
मी तुझाच ग अनुगामी
तू देतेस मला शब्दभान
-प्रशांत शशिकांत शेलटकर
8600583846
No comments:
Post a Comment