खरं सांग प्रिये,
प्रेम म्हणजे आणखी काय असतं !
तुझ्या-माझ्यातल्या नात्याला,
आणखी काय वेगळं नाव असतं!
तू आठवतेस , प्राजक्त फुलताना
तू आठवतेस, झुल्यावर झुलताना
खरं सांग प्रिये,
फुलणं म्हणजे वेगळं काय असतं!
आणि झुलणं तरी काय वेगळं असतं
तुझ्या-माझ्यातल्या नात्याला
आणखी वेगळं काय नाव असतं
तूला पहातो धुंद शुक्रता-यात मी
तुझ्यासवे वाहतो मंद वा-यात मी
खरं सांग प्रिये,
हे धुंदावणं काय वेगळं असतं
हे वहाणं तरी काय वेगळं असतं
तुझ्या-माझ्यातल्या नात्याला
आणखी काय वेगळं नाव असतं
---प्रशांत शेलटकर
०६/०१/२०१६
रात्र ९.००
👌
ReplyDelete