पोकळ बांबू....

पोकळ बांबू....

अरे कवी तुला रे

कसला व्यर्थ माज आहे 

शब्द कोरडे पोकळ 

ना कसला साज आहे..

पकडून कान मित्रांचे 

ऐकवतोस तू कविता 

अरे त्याना नसू दे रे

पण तुला कुठे लाज आहे

अरे कवी तुला रे

कसला व्यर्थ माज आहे 

शब्द कोरडे पोकळ 

ना कसला साज आहे..

चार दोन जमवून उपमा 

उभे केलेस काव्य झोपडे 

तरी तुझ्या नजरेत वेड्या

तुझा तो ताज आहे

अरे कवी तुला रे

कसला व्यर्थ माज आहे 

शब्द कोरडे पोकळ 

ना कसला साज आहे..

मोरीतला नळ तुझा

शब्द शब्द ठिबकतो

आणि म्हणतोस वेड्या

ती सागराची गाज आहे

अरे कवी तुला रे

 कसला व्यर्थ माज आहे 

शब्द कोरडे पोकळ 

ना कसला साज आहे..

कर सुरनळी कवितेची 

दाखव तिला योग्य जागा 

आता थांब ना भावड्या 

किंचित जर तुला लाज आहे 

अरे कवी तुला रे

 कसला व्यर्थ माज आहे 

शब्द कोरडे पोकळ आणि

ना कसला साज आहे..

 प्रत्येक पोकळ बांबू

नसतो कान्हाची बासरी

तरी तुला बासरीची

का सांग खाज आहे?

अरे कवी तुला रे

 कसला व्यर्थ माज आहे 

शब्द कोरडे पोकळ आणि

ना कसला साज आहे..

-प्रशांत. 😃