अलगोरिदम ची मोहिनी..

अलगोरिदम ची मोहिनी..

एक पुराण कथा आहे, भस्मासुराला मारण्यासाठी भगवान विष्णूनी मोहिनीचे रूप घेतलं, मोहिनीच्या रूपाची भुरळ पडून भस्मासूर मोहिनी जे करेल ते करायला लागला.. जणू तिने भस्मसुराचा मेंदूच हॅक केला.. आणि शेवटी स्वतःच्याच डोक्यावर हात ठेवून भस्मासूर भस्म झाला..

     अलगोरिदम ही एक प्रकारची मोहिनीच आहे. फरक इतकाच की ती तिच्या तालानुसार तुम्हाला नाचवत नाही तर तुम्हीच तुमच्या तालानुसार नाचत असता आणि त्यात इतके रंगून जाता की दुसरे ताल आहेत याचे भान उरत नाही..

    यू ट्यूब वर आपण जे पहात असतो सर्च करतो त्याच पद्धतीचे आपल्याला दिसत रहाते.. उदा फ्रोझन शोल्डर बद्दल सर्च केला तर त्याच्याच लिंक समोर येत राहतात, डायबेटीसबद्दल सर्च केल तर त्याच्या लिंक येत राहतात.

    राजकीय बाबतीत हे धोकादायक असतं. मोदी समर्थक असाल तर त्यान्च्या समर्थनाच्या पोस्ट व्हिडिओज दिसत राहतात,. विरोधक असाल तर विरोधाच्या पोस्ट दिसत राहतात..

     त्यामुळं होतं काय की आपल्यालाला जे आवडत ते दिसत रहाते आणि जे दिसतेय तेच सत्य वाटायला लागते, जे समोर येत ते फक्त येत नसते आपल्याला माईंड सेट प्रमाणे येत रहाते पण त्याचा आपल्याला पत्ता नसतो हे सगळ्यात जास्त धोकादायक आहे..

     तारतम्य आणि लॉजिक नसेल आपला भस्मासूर व्हायला वेळ लागतं नाही.. समाजात टोकाच्या राजकीय आणि सामाजिक भूमिका निर्माण व्हायला ही मेंदू हॅक करणारी अलगोरिदम ची मोहिनी काही अंशी जबाबदार आहे.. मेंदू ताब्यात घ्या आणि राज्य करा.. अगदी सर्वच क्षेत्रात....एक उघड नागडं सत्य..

-प्रशांत