ओलीचिंब

ओलीचिंब..

मिठीत चिंब देह तुझा

अन थेंब पापण्यात 

ओठ गुंतले ओठांत

पाऊस पहिला टिपण्यात

ही झड पावसाची

देते काही इशारा..

का डोळ्यात तुझ्या

उगा लाजेचा पहारा

हा पाऊस बरसतो

बाहेर अन आत मनात

बाहेर चिंब गारवा 

अन काहिली तनात

राहू दे ना थेंब टपोरे 

असेच तुझ्या गाली

देहवळणावरून वळीव

येवो घरंगळत खाली

मिठीत वळीव धरेच्या

धरा तृप्त तृप्त होते

बघ सखे त्यातले काही

सुखद तुला कळते

पाऊस बाहेर पडतो

ओलीचिंब कविता  इथे

शब्द शब्द भिजले इथे

अन तू का लाजते तिथे?

© प्रशांत 🌦️⛈️🌦️⛈️