श्वास माझे ऐक ना...
नकोत शब्द उगाच
श्वास माझे ऐक ना
बोलू कशाला उगाच
डोळे हे बोलतील ना
आस स्पर्शाची कशाला
नजरबंदी ही पुरेशी
तू फक्त जवळ रहा
चांदणे उन्हाचे होईल ना..
ही बट अवखळ तुझी
कितीदा येई गालावर
किती सावरून घेशील
तोल किंचितसा ढळू दे ना
बोलू नकोस काहीच
ही शांतता मखमली
शब्दाविना गझल माझी
फक्त नजरेने ऐक ना
हे मौन किती बोलते
का उगा शब्द उधळायचे
नको ना अशी रोखून पाहू
लटकेच मला रोख ना
-@ प्रशांत..❤️
No comments:
Post a Comment