बेजारी...

बेजारी...

तेच घर तेच शहर

तीच गल्ली तेच गाव

आयुष्यभर चिकटलेल

तेच तेच आपलं नाव

तोच डोंगर तोच सूर्य

तोच समुद्र तेच लव्ह

तीच भेळ तीच वेळ

तोच वडापाव तीच चव

तोच पाऊस तेच ऊन

तोच वारा तेच ढग

तोच  तू तोच मी

तुझ माझं तेच जग

तेच दुःख तेच उसासे

तेच दैन्य तीच खंत

तीच गडबड तीच गर्दी

तोच मोबाईल तीच उसंत

तीच लाळ,तोच आवंढा

तेच लोणी तोच मस्का

तेच बाबू तेच शोना

तोच प्रश्न तू जेवलीस का?

त्याच बातम्या त्याच चर्चा

तेच प्रश्न तीच उत्तरे

तेच रोग तेच रुग्ण

तीच औषधें तेच उतारे

तीच बायको तोच नवरा

तेच मित्र तेच शेजारी

सगळं काही तेच तेच

जिंदगी हीच एक बेजारी

 प्रशांत शेलटकर..