स्क्रिप्टेड लाईफ...
कधी निवांत क्षणी मागे वळून पाहिलं तर कळतं.. की काही माणसं आपल्या आयुष्यात का आली आणि का निघून गेली याची काही टोटल लागत नाही..ती कधी तरी ती आपल्या आयुष्यात दस्तक देऊन येतात त्याला काहीही निमित्त लागतं.. आणि जातानाही कसलेही निमित्त होऊन निघून जातात..त्यांच्या येण्या जाण्याचे कारण जणू नियतीने लिहिलेले असते.नियती तुमचे स्किट लिहिते..त्यात आपल्या स्वतःच्या जागा आपण निर्माण करायच्या असतात.पण आपण मूळ संहिता नाही बदलू शकत..तोंडाला रंग फासून आणि तुमच्या भूमिका निश्चित करून नियती तुम्हाला जगाच्या रंगमंचावर ढकलून देते..मग आपण आपली भूमिका समरसून करत रहायची.. ज्याच त्याच स्किट संपलं की तो विंगेत परततो ..बस्स आपलं स्किट पूर्ण झालं की परतायचं...
© प्रशांत
No comments:
Post a Comment