हिंदू..

हिंदू...

सकल हिंदू आपण बंधू

केवळ एक घोष वाक्य

आधी जात मग धर्म

कसे मग हिंदुत्व शक्य

जातीपातीत फुटलो आपण

कधीच सुधारणार नाही

व्यवहारातून गेली पण

मनातून जात ,जात नाही

विखरून गेलो म्हणूनच

राज्य परक्यांचे आले

गोडवे केवळ भूतकाळाचे

फक्त तोंडात राहिले

आडनाव बघून लोकांचे

जातीचा अंदाज बांधतो

मग कसा करायचा व्यवहार

हेच ना आपण ठरवतो

वरवरचा सगळा उत्सव

आत मत्सर भरलेला

पाठ फिरताच कोणाची

निंदोत्सव हा ठरलेला

प्रसंग येताच कठीण बाका

तात्काळ एक होतो अहिंदू

जात,पंथ ,दर्जा नी पक्ष

शोधत बसतो आपण हिंदू

पोस्ट ,आणि स्टेटस टाकून 

सण होतात आपले साजरे

जबड्यात गेले कुत्र्यांच्या तरी

 ससे खातात खुशीत गाजरे

नाका तोंडात पाणी जाते

तेव्हाच हिंदू एक होतो.

हिंदुत्व एक जीवन पद्धत

हेच आपण विसरून जातो

वाळून जातो थेंब एकटा

जोडून राहिला तर होतो सागर

जात पंथ भाषा विसरून

हिंदुत्वाचा करूया जागर

@ प्रशांत