सोहम

सो s हम...

चिकित्सेच्या द्रवात 

खितपत पडलेला मेंदू

अंमळ हृदयात उतरला

तेव्हा कुठे त्याला उमगलं

जग वेगळं आहे...

फोटो सिंथेसिसच्या पलीकडे

पानापानात काहीतरी आहे

चंद्र नव्हे केवळ निर्जीव गोळा

त्यातही काही वेगळं आहे..

एक अधिक एक दोन

केवळ गणितात..

गणिताच्या पलीकडे

काहीतरी वेगळे आहे

चिकित्सेत बुचकाळलेले तर्कशास्त्र 

नसते केवळ सत्य

मानवी मितीच्या पलीकडे

काहीतरी वेगळे आहे..

चिकित्सेच्या द्रवात 

शिल्लक राहिलेला

उरला सुरला मेंदू

जेव्हा हृदयात पूर्ण परतला

तेव्हा त्याला कळलं की

वेगळे वेगळे अस काही नाहीचेय

तो तेच आहे ते तोच आहे..

तो तेच आहे ते तोच आहे..

सो s हम ..सो s हम...

-- प्रशांत शेलटकर ©