मौन समाधी
मौनाच्या तळ्याकाठी
एक झाड अबोल
अदृश्य शब्दहीन तरंग
ते तळेही अबोल...
त्या अबोल झाडाखाली
कुणी बैसले अबोल
झाडावरचा अनाम पक्षी
सावरून बसला तोल
तरी मौन कुजबुजते
त्या अनामिकाच्या कानी
भासते जणू डहुळते
तळ्यातले किंचित पाणी
ही जरी स्तब्ध समाधी
आत बोलते कोणी
त्या अनामिकाच्या
डोळ्यात तेव्हा पाणी
जुळून जाते नाते
आतले आतल्याशी
उमलून आत काही
हसते स्वतःशी
-© प्रशांत शेलटकर
No comments:
Post a Comment