अधीर मी तुज मिठीत घेण्या
परी तू माझी कुठे?
परी तू दुसऱ्याची जरी
मनास या भीती कुठे?
पण कल्पनेचे इमले माझे
थाम्बतात ते तरी कुठे?
कल्पनेतल्या मिठीतले शहारे
तुला तरी कळतात कुठे?
धग ओठांतली पिऊनही
ही तहान शमते कुठे?
आग आगीला शमवते
हे तरी तुला कळते कुठे?
अर्ज किया है मी म्हणालो
तू इर्शाद केले कुठे?
गझल तयार डोळ्यात माझ्या
तू अद्याप गायलीस कुठे?
मी अफाट बोलतो तुझ्याशी
पण ते शब्द बोललो कुठे?
पण जे बोललो नजरेने
ते तरी तू ऐकलेस कुठे?
जो वरी न भेटे राधा
बासरी ओठांस कुठे?
अनय अडथळ्यास का
राधा जुमानते कुठे?
- ©प्रशांत ◆◆
No comments:
Post a Comment