"स्वप्नविके"

© प्रशांत शेलटकर यांची पोस्ट.

" स्वप्नविके"

        त्यांच्यामुळे आपला उदरनिर्वाह होत नाही. त्यांच्यामुळे आपल्याला घरदार,पैसा प्रतिष्ठा मिळत नाही. आपण ,आपले कुटुंब, आपले मित्र कधी आजारी पडलो तर त्यांचा काडीमात्र उपयोग नाही ...ते केवळ आणि केवळ आपले मनोरंजन करतात ...मग त्याना आपण एवढे डोक्यावर का बसवतो..? ते केवळ "स्वप्नविके" आहेत..आपण त्याना त्यांच्या औकातीत का ठेवत नाही? 

        त्यातले काही जण देशद्रोही आहेत काही ड्रग्स घेतात ,,काहींनी लोकांना मोटारीखाली चिरडून मारलंय..तरी देखील त्यांचे फॉलोअर्स आहेत ..हा खुळचटपणा नाही का...

         कलाकाराला त्याच्या जागी राहू द्या...कलेचा आदर जरूर करा पण त्याच्या भूमिका आणि ती व्यक्ती यात गल्लत करू नका..ज्या दिवशी कलाकार सामान्य माणसासारखे व्यवहार करतील. त्यांचे पर्सनल लाईफ मीडिया कव्हर करणार नाही , जिमच्या बाहेर उभे राहून अभिनेत्री तिच्या कार मधून उतरली रे उतरली की तिच्या मागे जी जी करत फिरणारे टुकार पत्रकार तिचे शूट करणे थाम्बवतील आणि सामान्य माणसालाही त्याचे देणे घेणे नसणार आहे त्यावेळी आपण माणूस म्हणून प्रगल्भ झालो,आपली लोकशाही प्रगल्भ झाली असे म्हणता येईल.

- प्रशांत शेलटकर

  8600583846