सल...
आजकाल जुनेपाने
मी आठवत नाही
आजकाल उगाच काही
मी साठवत नाही
मी चाललो पुढेच
मागे पहातही नाही
काय भोगले मागे
ते सांगतच नाही
भार फुलांचाही आता
काही सोसवत नाही
आता कुणाकडेही
मी विसावत नाही
देणे नियतीचेही
मी ठेवतच नाही
आता जगण्याचे कसले
हिशेब लागत नाही
आता उरलेल्या क्षणांना
मी सजवत नाही
आता सुखाने हसाया
मन धजावत नाही..
आता माझेच कौतुक
मला ऐकवत नाही
सल आतल्या काटयाची
आता जाणवत नाही
-प्रशांत शेलटकर
8600583846
No comments:
Post a Comment