अर्जुन

अर्जुन..

आता प्रत्येक नात्याचा

मी अर्थ शोधतो आहे

जसा खोल खोल जातो

तसा स्वार्थ दिसतो आहे

येता जवळ कोणी

मनी संशय दाटतो आहे

वाटते कोणी धूर्त शकुनी

 फासेच फेकतो आहे

कुणी मारतो मज मिठी

ती मगरमिठी वाटते आहे

पाठीवर फिरता हात

मज खंजीर वाटतो आहे

कुणाचे गहिरे डोळे

मज डोह वाटतो आहे

लपला असेल  कालिया

मज संशय वाटतो आहे

बसेल विश्वास उजेडावर

एक कवडसा शोधतो आहे

पण वाटते काळोख्या रात्री

मी सूर्य शोधतो आहे

कुरुक्षेत्रात आयुष्याच्या

माझा अर्जुन होतो आहे

कुठे गेलास रे कृष्णा?

तुला कधीचा शोधतो आहे

-प्रशांत शशिकांत शेलटकर

 8600583846