खिडकी

बसलो कधीचा खिडकीशी

अंदाज त्याचा नाही

उद्या असेल का हे बसणे

अदमास त्याचा नाही

ही खिडकी जुनीपुराणी

तावदानेही फुटलेली

तुटलेल्या रंगीत काचा

जवानी सांडून गेलेली

तरी हिचा भरवसा

अद्याप सोडला नाही

तुटक्या  माझ्या घराला

खिडकीच दुसरी नाही

फुटल्या सर्व काचा

बिजागरेही गंजलेली

 झेलून कित्येक उन्हाळे

ती ही गांजलेली...

तरी तिच्यावाचून मी

किती अस्वस्थ होतो

फुटक्या तिच्या काचांतून

मी चंद्र बघत बसतो..

-

-प्रशांत शशिकांत शेलटकर

 8600583846

19/10/2020

माझ्या इतर कविता , कथा आणि लेखांना वाचण्यासाठी माझ्या अक्षर पूजा या ब्लॉगला अवश्य भेट द्या