बस झाला मित्रा आता
राजकारणाचा कुटाणा...
उगाच कोणाच्या नावे
का करावा ठणाणा...
कसल्या निष्ठा अन
कसली तत्वे....
फसवी वचने अन
फसवे दावे..
झुंजतात कार्यकर्ते
नेते टाकती दाणा...
बस झाला आता मित्रा,
राजकारणाचा कुटाणा...
कसला भगवा अन
कसला निळा..
बंडोबांच्या कपाळावर
आमदारकीचा टिळा..
पैशाचा धूर अन
डीजे चा दणाणा
बस झाला आता मित्रा
राजकारणाचा कुटाणा...
पंत गेले अन
राव चढले...
तुला कसले
सुतक आले..
कशासाठी आणि कुणासाठी
झालास रे दिवाणा
बस झाला आता मित्रा
राजकारणाचा कुटाणा...
बस झाला मित्रा आता
राजकारणाचा कुटाणा...
उगाच कोणाच्या नावे
का करावा ठणाणा...
-प्रशांत शशिकांत शेलटकर
8600583846
No comments:
Post a Comment