हे दिसण्याचे सोहळे
आता पुरे झाले...
किती वापरू पुन्हा पुन्हा
मुखवटे तेच ते जुने झाले
हरवलो कधीच मी...
मिळणे मुश्किल झाले
शोध माझाच मला लागणे
आता किती कठीण झाले
न जाणे कसे चेहऱ्याला
कसले हे रंग लागले...
रंग कोणता खरा ते
ओळखणे कठीण झाले...
जे स्वप्न पाहिले कधी
ते न सत्यात कधी उतरले
जे सत्य भोगले ते..
ते न स्वप्नीही कधी पाहिले
हे संचित वंचनांचे..
का उगाच हे जपले
इथे माझ्याच प्रश्नांना
मलाच मी उत्तरिले
--प्रशांत शेलटकर
8600583846
No comments:
Post a Comment