Ad

Thursday 9 May 2019

रात्र कातर कातर...

रात्र कातर कातर...
सख्या मी हळवी हळवी
अजून ओली राजसा...
हळद पिवळी पिवळी..

जरी आतुर मी...
तू धीराने घे रे राजसा..
तुझ्या मिठीत बेभान मी
झाले रे राजसा....
आता नको जाऊ दूर तू
ये रे जवळी जवळी...
अजून ओली राजसा...
हळद पिवळी पिवळी..

आता हवी कशाला?
ही उगाच रे बंधने....
त्यजुनी टाक रे ही
व्यर्थ सारी वसने...
देहात भिनली रे
ही धुंदी निराळी निराळी
अजून ओली राजसा...
हळद पिवळी पिवळी..

आज तुझे नि माझे
मिलन असे व्हावे...
हिरवे चुडे माझे..
अखंड कीणकीणावे...
अशी अखंड रहावी
ही रात्र सावळी सावळी
अजून ओली राजसा...
हळद पिवळी पिवळी..

तुझ्या मिठीत मला
धुंद धुंद होऊ दे...
तुझ्या प्रेमात मला
चिंब चिंब भिजूदे...
तू कृष्ण माझा .
मी राधा बावरी बावरी..
अजून ओली राजसा...
हळद पिवळी पिवळी..

रात्र कातर कातर...
सख्या मी हळवी हळवी
अजून ओली राजसा...
हळद पिवळी पिवळी..

प्रशांत शेलटकर
- 8600583846

at

No comments:

Post a Comment

Subscribe to: Post Comments (Atom)

नियती..

आपली स्वप्ने नियती कडून सेन्सॉर व्हावी लागतात..तरच ती  प्रत्यक्षात येतात.. नियती दुःख देते कारण माणूस फक्त सुखाची मांडणी करत बसतो..कुठल्या त...

  • बाकी इतिहासाची...
    इतिहासाची बाकी... स्वातंत्र्य लढ्याचा अर्थ इतकाच की काही जण स्वराज्यासाठी लढत होते तर काही जण सुराज्यासाठी दोन्ही आघाड्या तितक्याच महत्वाच्य...
  • माघार
    तेव्हा माघार घ्यावी.... जेव्हा आपलंच माणूस अनोळखी होतं ... तेव्हा... शांतपणे माघार घ्यावी....... जेव्हा संपतात सारी नाती काही सकारणं....
  • मनातलं-#४
    मनातलं -# -4 स्वसंवेद्य.. सखोल विचार केला तर आपण जिवंत आहोत म्हणजे मानवी मेंदूच्या मर्यादेत राहून केलेले आकलन आहे. सगळ्या जीवंत माणसांनी जिव...