आज काल माझ्याचवरचा
हक्क मी सोडून दिलाय..
एक पाय ऐल तीरावर अन
दुसरा पल्याड कधीच गेलाय
मी कुणाचा हाच एक प्रश्न
आजवर छळत आलाय...
माझं कोण हा प्रश्न तर
केव्हाच सुटून गेलाय कारण
एक पाय ऐल तीरावर अन
दुसरा पल्याड कधीच गेलाय
मोहाची देखणी फुलपाखरं
आता कुठे बागडत नाय
फुलंच नाही बागेत आत्ता
ती तरी करणार काय , कारण
एक पाय ऐल तीरावर अन
दुसरा पल्याड कधीच गेलाय
तास , दिवस,महिने अन वर्ष
हिशेबाच्या याच्या करावं काय
काळ थांबला पैलतटावर,
इशारा त्याचा कधीच आलाय
एक पाय ऐल तीरावर अन
दुसरा पल्याड कधीच गेलाय
-प्रशांत शेलटकर
8600583846
.
No comments:
Post a Comment