मर्यादा

माझी प्रत्येक गोष्ट तुला
आवडावी अस काही नाही
आणि तुझी प्रत्येक गोष्ट
मला आवडावी असंही नाही

माझ्या आयुष्यात तुझी
बेरीज व्हावीच असंही नाही
आणि तुझ्यातून तू मला
वजा करशीलच अस नाही

माझ्यातला अहंकार ..
त्याला म्हणत असेन मी
कदाचित माझी अस्मिता
त्याचा कधी विलय होईल
अस कधी वाटत नाही..
आणि तू तुझ्या वर्तुळातून
बाहेर येशील अस वाटत नाही

कदाचित तुला वाटत असेल
एखाद्या उपग्रहासारखे
मी फिरत राहीन तुझ्याभोवती
पण धुमकेतूला नसते
आकाशगंगाची मर्यादा
हे तुला माहीत असेल
असे मला वाटत नाही...

आपल्या दोघांतल अंतर
ही आहे विधात्याने आखलेली
लक्ष्मण रेषा, ती तशीच असुदे
माझ्यातल्या रावणाची कुंडली
तुला माहीत नसेल...
असं काही वाटत नाही

-प्रशांत शेलटकर
8600583846