लोकशाही
तिरक्या चालीचे उंट
अन अडीच घराचे घोडे
वजीराची मर्जी संभाळे
गरीब बिचारे गुमान प्यादे..
कोण केसाने गळा कापे
कोणी खूपसे पाठीत खंजीर
कोण धावतो बेलगाम अन
कुणाच्या पायात जंजिर
कोणी इथे असती लबाड
अन कोणी फारच साधे
वजीराची मर्जी संभाळे
गरीब बिचारे गुमान प्यादे
बुद्धिबळाच्या पटावरी
बेफाम घोडी तिरके उंट
राजा बसला एकांतात अन
वजीर मात्र झाला धुंद..
प्याद्यांची मग फौज गाते
लोकशाहीचे अखंड पोवाडे
वजीराची मर्जी संभाळे
गरीब बिचारे गुमान प्यादे
तिरक्या चालीचे उंट
अन अडीच घराचे घोडे
वजीराची मर्जी संभाळे
गरीब बिचारे गुमान प्यादे..
-प्रशांत शेलटकर
8600583846
No comments:
Post a Comment