आयुष्य अजून छान आहे..

आयुष्य अजून छान आहे...

पेला अर्धा सरला तरी
अजून अर्धा भरला आहे
काट्याने भरली वाट तरी
आयुष्य अजून छान आहे...

अजून तिच्या नजरेमध्ये
लाजेचा पहारा आहे...
अजून तिच्या मिठीमध्ये
तोच उबदार सहारा आहे
म्हणूनच म्हणतो..मित्रा
आयुष्य अजून छान आहे..

वेदनांचा कल्लोळ  तरी
संवेदना अजून तीच आहे..
शब्द जरी मुके झाले...
मौन बोलके तेच आहे...
म्हणूनच म्हणतो मित्रा
आयुष्य अजून छान आहे

---प्रशांत शेलटकर