बिचारी...
लाभले आम्हास भाग्य
बोलतो मराठी..
व्यवहारातून जरी बाद
माय आमची मराठी..
भैय्यासवे न बोलतो
आम्ही मराठी..
तिथे लाजते बुजते
आमुची मराठी
एकमेकांशी बोलतो
आम्ही इंग्रजी हिंदी
घरातच आमुच्या
दीनवाणी मराठी
बोली भाषेस आमुच्या
हसतो आम्ही मराठी
न घरचे न घाटचे
श्वान आम्ही मराठी
फक्त इतिहासात रमतो
आम्ही मराठी
आमचाच खरा म्हणून
भांडतो आम्ही मराठी
कशास हवे उगाच
एक दिवस मराठी मराठी
उद्यापासून दीनवाणी
आमुची मायबोली मराठी
- © प्रशांत
No comments:
Post a Comment