आई..

आई..

तुझ्या कुशीची उणीव

भासते मज आई..

तुझ्याविना ना कोणी मजला

समजून घेई आई..

काल होतीस तू

आज आठवण झालीस आई

अजून गुंजते कानात माझ्या

तुझी वत्सल अंगाई...

भास होतात तुझे

आहेस तू सभोवती आई

तुझ्या वत्सल नजरेत

अजून मी भिजतो आई..

येतो ग म्हणून..

निरोप घेण्याची सवय आई

आता कुणास येतो ग

म्हणू मी आई...

तुझे अवचित जाणे

व्याकुळ करते आई

सांगायचे होते काही

तशीच गेलीस ना आई...

आता एकांत हा

रडवतो मोकाट आई

एकटाच ग रडतो मी..

क्षणभर तरी भेटून जा आई

- प्रशांत