स्क्रीनघाश्या...
फेसबुकवर किती मित्र
काय त्यांची हमी..
अडचणीच्या वेळी येतात
जवळचेच कामी...
कशाला हवं रोजच
गुडमॉर्निंग आणि गुडनाईट
बघ ना समक्ष सकाळ
ती असते का वाईट
दिवस रात्र स्क्रीन घासून
काय तुला मिळते..
लाईक आणि कमेंटीने
पोट कुणाचे भरते?
गल्लीत विचारेंना कुत्रं
अन देतो बायडनला सल्ला
सिलेंडर संपला आणा
बायको करते कल्ला
राजकारण हे गजकरण
म्हणाले होते अत्रे..
विचारून बघ स्वतःला
आपण आहोत का कुत्रे
तिरडी उचलायला
येतातच अखेर शेजारी
सगळं मिळत विकत पण,
प्रेम नाही मिळत बाजारी
म्हणून सांगतो मित्रा तुला
ठेव तो बाजूला मोबाईल
कट्ट्यावर बसून बघ
वेळ कसा मस्त जाईल
स्क्रीनघाश्या नको होउस
उघड डोळे बघ रे नीट
फिल्टर लावलेले डीपी
खोटे गाल अन खोटीच तिट
ती जेवते रे रोज भरपेट
तिची काळजी करू नको
जेवलीस का म्हणून तिची
उगाच चौकशी करू नकोस
माया आहे सगळी वेड्या
कोण कोणाचे नसते..
फुगा कितीही फुगला तरी
एक टाचणी पुरे असते
सोशल सोशल म्हणताना
लोक अँटी सोशल झाले
फेसबुकवरचे हजार मित्र
प्रसंगाला फक्त चारच आले
किती होशील एकलकोंडा
माझं माझं करशील..
वेळ आली की बॉडी तुझी
चार खांद्यावरून जाईल
-प्रशांत शेलटकर
8600583846
No comments:
Post a Comment