हेट यू बट......
आय हेट यू ...
शब्द फारच फसवे
मन अंधारले तरी
लूकलुकतात काजवे
राग राग केला तरी तो
किती लाघवी हसतो
डोळे घट्ट मिटले तरी
तोच का बरे दिसतो ?
किती पुसावे त्याला
तो क्षणात विरून जातो
पुन्हा हसत निलाजरा
तो परत फिरून येतो..
जा रे जा ना आता
किती मला छळतो ?
ज्योतीवरती का स्वतःला
जाळून तू का घेतो ?
हसणे तुझे वर वर किती
कळते रे मला कळते !
माझ्यावाचून तुझे रे
काळीज ना रे हलते !
उगाच नजर चोरून
तू भलतीकडे बघतो
ठाऊक आहे मला वेड्या
तू डोळे क्षणात टिपतो
मी ही हसते मग वरवर
पण आतून किती झुरते
कधीच कळणार नाही कुणा
मी प्रेम तुझ्यावर किती करते
मी प्रेम तुझ्यावर किती करते..
❤️❤️❤️❤️❤️
-प्रशांत शशीकांत शेलटकर
8600583846
No comments:
Post a Comment