बाप्पा..
बाप्पा तुझ्या येण्याची
आतुरता बघ केवढी
दारोदारी उभी राहिली
तुझ्या स्वागताची गुढी
घरदार आणि परिसर
झाला बघ किती लख्ख..
भाग्य पाहुनी तुझे बाप्पा
इतर देव झाले थक्क
मांगल्याचे दीप लागले
इथल्या प्रत्येक घरात
अमंगलाची झडे काजळी
लख्ख उजेड अंतरात
कलह क्लेश दुःख सारे
असो तुझ्या पायाशी
द्वेष मत्सर अहंता
न उरावी ती कोणाशी
सूक्ष्म तुझे डोळे सांगती
उघडा डोळे बघा नीट
विस्तीर्ण तुझे कान सांगती
ऐकून घ्यावे सर्वच नीट
तुझ्या सारखा तूच देवा
तूच केवळ आमचा बाप्पा
तुझ्यासाठी जपला आहे
मनातला एक अलवार कप्पा
प्रशांत शेलटकर
8600583846
No comments:
Post a Comment